ပြင်းထန်သော ရောဂါကုသမှုအာမခံ
အောက်ပါရောဂါများကြောင့် သေဆုံးသောအခါ (သို့မဟုတ်) ဆေးကုသမှု ခံယူရသောအခါ အကာအကွယ်ရရှိနိုင်ပါသည်။
– နှလုံးရပ်ခြင်း
– လေဖြတ်ခြင်း
– ကင်ဆာ
– ကျောက်ကပ်ပျက်စီးခြင်း
– အစားထိုးကုသခြင်း
– နှလုံးအဆို့ရှင်အစားထိုးခြင်း (သို့မဟုတ်) ပြုပြင်ခြင်း
– လမ်းကြောင်းလွှဲ၍ နှလုံးခွဲစိတ်ကုသခြင်း
– ပြင်းထန်စွာ မီးလောင်ခြင်း
– သတိမေ့ခြင်းနှင့်
– ဘတ်တီးရီးယားကြောင့်ဖြစ်သော ဦးနှောက်အမြှေးရောင်ခြင်း
အနည်းဆုံး (၁)ယူနစ်မှ အများဆုံး (၁၀) ယူနစ်အထိ ဝယ်ယူနိုင်ပါသည်။
ပရီမီယံကြေးနှုန်းထားများမှာ အာမခံထားသူ၏အသက် အပေါ်မူတည်၍ ပြောင်းလဲမှု ရှိနိုင်ပါသည်။
တစ်ဦးချင်း ထားရှိသူများအနေဖြင့် (၆)လတစ်ကြိမ် (သို့မဟုတ်) (၁)နှစ်စာတစ်လုံးတည်း ပေးသွင်း နိုင်ပါသည် ။
(၅) ဦးနှင့်အထက် ထားရှိသူများအနေဖြင့် (၁) လတစ်ကြိမ် ၊ (၃) လတစ်ကြိမ် ၊ (၆) လတစ်ကြိမ်၊ (၁) နှစ်စာတစ်လုံးတည်း အစရှိသည်ဖြင့် ပေးသွင်းနိုင်ပါသည်။
ပြင်းထန်သော ရောဂါကုသမှု အာမခံ (၁) ယူနစ် ၀ယ်ယူထားလျှင် (၁,၀၀၀,၀၀၀) ကျပ် ၊
(၁၀) ယူနစ် ၀ယ်ယူထားလျှင် (၁၀,၀၀၀,၀၀၀) ကျပ်ကို သေဆုံးမှု အကျိုးခံစားခွင့် အနေဖြင့် ရရှိပါမည်။
